کاروان جه‌مال تاهیر هاوخه‌می و هاوسۆزی نوێنه‌رایه‌تی و حکومه‌تی هه‌رێمی گه‌یانده‌ باڵێۆزخانه‌ی کۆماری ئیسلامی ئێران.

شانشینی یەکگرتوو، لەندەن، www.uk.gov.krd.  کاروان جمال تاهیر نوێنەری حکومەتی هەرێمی کوردستان لە شانشینی یەکگرتوو سەردانی باڵیۆزخانەی کۆماری ئیسلامی ئێرانی کرد بەمەبەستی پێشکەشکردنی هاوخەمی و هاوسۆزی حکومەتی هەرێم و نوێنەرایەتی حکومەتی هەرێمی کوردستان بۆ باڵیۆز و ستافی باڵیۆزخانە و لە رێگای ئەوانیشەوە بۆ گەل و حکومەتی ووڵاتەکەیان بەهۆی رووداوی تەقینەوەی یەکێك لە عەمبارەکانی بەنده‌ری عەباس لە ئێران که‌ تێدا سه‌رووی هه‌فتا هاووڵاتی گیانیان له‌ده‌ست داو، زیاتر له‌ هه‌شت سەد کەسی تر بریندار بوون.

لە سەردانەکەدا و لە تۆماری په‌رتووکی سەرەخۆشیش په‌یامی هاوخه‌می و پرسه‌و سه‌ره‌خۆشی تۆمارکر و هیوای چاکبونه‌وه‌ی خێرایشی بۆ برینداران خواست.

باڵیۆزخانەی کۆماری ئیسلامی ئێران – لەندەن
٢٩ی نیسانی ٢٠١٥